Лезгинский сайт

Кавказская Албания Лезгистан        Вы вошли как Гость | Группа "Гости" | Выход 

MENU
Главная » 2016 » Июнь » 22 » Лезгины - пушечное мясо Азербайджана в Нагорном Карабахе.
20:36
Лезгины - пушечное мясо Азербайджана в Нагорном Карабахе.

Зун лезги я

Зун лезги я. Зи диб, зи ирс я рикlин дамах,
Къавкъаз дагълар, туьнт лезги кьуьл, Шарвили даях.
Пад жеда рикl гьалтай чlавуз са бязи алчах,
Чилериз фий халкьдал леке гъидай лезгияр.

Ширин мецин чlалахъ хьана, гадарна Кьуркьан,
Саникайни хьанач къе чаз, квахьна диб накьан.
Гьинва дамах, гьинва намус, лайихвал кьакьан,
Вилер мичlна гележегдихъ фидай лезгияр!?

Чи бубайри хвейи пак чил гьикl хьана кьве пай?
Чи девлетар, тарих, эдеб физва къе гарай.
Низ ван атуй чилин тlалдин… суза я гьарай,
Стха течиз варлу мирес чидай лезгияр!

Усал акваз саймиш тийиз виняй жуванбур,
Пачагьарни ханар-беглер кlандай патанбур,
Чи дин, чи кьин, ахни намус тирни тапанбур,
Жув акlахьиз, чарадаз ник гуьдай лезгияр!?

Чун чи чилел иеси туш, гъейрид я панагь,
Я чахъ пачагь хьанач жуван, я хьанач Аллагь.
Вуч фад чна кьабулначни гьарамни гунагь,
Гьиниз фена лезгивал чи видай лезгияр!?

Меслят такваз сада садаз гуда тагькимар,
Сирер садна уртах са кар тежез мягькемар.
Кlуф виртlеда, тум кьарада авай гьакимар
Эхна яхун кьамал кьуна хуьдай лезгияр!

Чаз чи руьгьдин, чи инсанрин къадир чиз амач,
Сада лагьай гаф муькуьдан япуз физ амач,
Бубани хва – чпи чпел дамах гъиз амач,
Чарадазни жуван хзан гигидай лезгияр!

Лезгидин гаф, лезгидин кьин кlеви туширни?
Шергир, Ваче, Гьажи Давуд лезги туширни?
Чак квайдини бес гьабурун иви туширни?
Къарагъ кlвачел, бубайрин тlвар хуьдай лезгияр!

Фейзудин Нагиев

1985

Просмотров: 1119 | Добавил: Администратор | Рейтинг: 5.0/2
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]